బాధితుల‌కు సాయం..నిర్వాసితుల‌కు ప‌రిహారం

ఏపీ కేబినేట్ నిర్ణ‌యాలు

అమ‌రావ‌తి, (): ముఖ్యమంత్రి జగన్ నేతృత్వంలోని ఆంధ్రప్రదేశ్ మంత్రివర్గం స‌మావేశంలో ప‌లు అంశాల‌ను చ‌ర్చించారు. ముఖ్యంగా విద్యా సంస్కరణలు, అగ్రిగోల్డ్ స్కామ్ బాధితులకు పరిహారం అంద‌జేయ‌డం, పోలవరం ప్రాజెక్ట్ కోసం నిర్వాసితులైన కుటుంబాలకు అదనంగా రూ .10 లక్షల ప్యాకేజీని మంత్రి మండ‌లి ఆమోదించింది.

ఇంకా స‌మావేశంలో ప‌లు అంశాల‌ను చ‌ర్చించారు. విద్యా మౌలిక సదుపాయాలను మార్చడానికి , సమగ్రమైన విద్యా, పరిపాలనా సంస్కరణలను తీసుకురావడానికి ప్రతిపాదనలను కేబినెట్ ఆమోదించింది. నాడు నేడు స్టేజ్‌-1 ప‌నుల పూర్తికావ‌స్తుండటంతో , 2 వ దశ ప్రారంభం ఆగస్టు 16 న షెడ్యూల్ చేయబడింది. ఆగస్టు 13 న YSR లైఫ్‌టైమ్ అచీవ్‌మెంట్ అవార్డ్స్ , YSR అచీవ్‌మెంట్ అవార్డ్స్ ఫంక్షన్ నిర్వహించడానికి క్యాబినెట్ ఆమోదం తెలిపింది.

హైకోర్టు వ్యక్తం చేసిన అభిప్రాయాన్ని దృష్టిలో ఉంచుకుని హైదరాబాద్ నుండి కర్నూలుకు లోకాయుక్తను మార్చడాన్ని ఆమోదించింది. ఆంధ్రప్రదేశ్ రాష్ట్ర మానవ హక్కుల కమిషన్ ప్రధాన కార్యాలయానికి సంబంధించిన ఏర్పాట్ల‌కు ఆమోద్ర ముద్ర వేసింది జ‌గ‌న్ స‌ర్కార్‌. అగ్రీగోల్డ్‌లో 20 వేల లోపు డిపాజిట్ దార్ల‌కు మాత్ర‌మే ప్ర‌స్తుతం సాయం చేస్తున్నారు. ఇలాంటి వారు మొత్తం మీద 4 లక్ష‌ల మంది ఉన్నారు.