ఫైజ‌ర్ పై తొల‌గిన ఇబ్బందులు

క‌రోనా క‌ట్ట‌డికి అత్య‌ద్భుతంగా ప‌నిచేస్తున్న ఫైజ‌ర్ వ్యాక్సిన్ పై ఇప్ప‌టి వ‌ర‌కూ ఐరోపా దేశాల‌తోపాటు, భార‌త్ ఎదుర్కొన్న ఇబ్బందులు దాదాపుగా తొల‌గిపోయాయి. ఫైజ‌ర్ స‌మ‌ర్థ‌వంతంగా ప‌నిచేసిన‌ప్ప‌టికీ వ్యాక్సిన్ నిల్వ సామ‌ర్థ్యంపై కొన్ని దేశాలకు ప్ర‌తికూల వాతావ‌ర‌ణం నెల‌కొంది. సాధార‌ణంగా ఫైజ‌ర్ వ్యాక్సిన్ -80 డిగ్రీల నుండి -60 డిగ్రీల ఉష్ణోగ్ర‌త వ‌ద్ద మాత్ర‌మే నిల్వ చేయాలి.

ఆ ప‌రిస్థితులు భార‌త్‌లో లేవు. పైగా కేవ‌లం 5 రోజుల పాటు మాత్ర‌మే వ్యాక్సిన్ నిల్వ ఉంచాల్సి వ‌చ్చేది. దీంతో వ్యాక్సిన్ వినియోగంలో ప్ర‌తికూలత ఏర్ప‌డింది. అయితే తాజాగా నిల్వ సామ‌ర్థ్యం -15 నుండి -25 డిగ్రీల వ‌ర‌కూ తీసుకొచ్చారు. దీంతోపాటు వ్యాక్సిన్ సాధార‌ణ ఫ్రిజ్‌లో నెల‌పాటు నిల్వ ఉంచ‌వ‌చ్చ‌ని శాస్త్ర‌వేత్త‌లు నిర్థారించారు. ఫైజ‌ర్‌లో వ‌చ్చిన ఈ మార్పుల‌తో భార‌త్‌లో ఫైజ‌ర్‌పై ఆస‌క్తి పెరిగింది.

(ADITYA9NEWS)